-- Advertisements --
TACLOBAN CITY – Maabot ha 116,000 kasako hin bugas tikang ha Thailand an umulpot ha rehiyon kumo ikatulo nga panibag-o nga suplay hin NFA rice ha rehiyon para yana nga tuig.
Sumala kan Lolita De Paz , Assistant Regional Director han National Food Authority 8 kadungan han unloading han mao nga suplay hin bugas in diretso dayon an dispersal operations ngan pag-alutaga hin suplay ha tanan han mga probinsya ha rehiyon.
Mayda pa gihapon ginpapamulat nga duha ka-barko hin panibag-o nga suplay hin NFA rice ha mga masunod nga semana ngan bulan.
Ini in para makompleto an sobra 600,000 kasako hin bugas nga kabug-usan nga alokasyon para ha rehiyon yana nga tuig.
