TOP–Ginparayaw ni House Deputy Minority Leader ngan ML Partylist Rep. Leila de Lima nga an ikatulo nga impeachment complaint nga ginserbe kontra kan Vice President Sara Duterte in usa nga ‘mas ginpaupay’ nga bersyon han mga artikulo nga ginpadara na ha Senado han naglabay nga Kongreso.
Sumala kan De Lima, ginsuporta niya an reklamo mahuman nga gin-usisa an sulod ngan mga kalakip nga ebidensya, ngan kumpyansa hiya nga igpapasa ine ha mga proseso ha Kamara.
Kalakip ha mnga ebidensya an mga video han ginaalegar nga ayat kontra ha Pangulo, First Lady ngan anay Speaker martin Romualdez, nga audit findings, liquidation vouchers, legislative records, ngan ginsumpa nga mga pahayag kasumpay ha ginaalegar nga pag-abuso ha confidential funds han OVP ngan DepEd.
Ginmalatumat gihapon ni De Lima an magigin proseso han reklamo ha Kamara, tiakng ha transmittal Office of the Secretary general, pagbubutang ha Order of Business, pag-diskusyon ha Rules Committee, hasta ha pag-refer ha House Committee on Justice.
Ginkilala han abogado han mga complainant an grupo nga ginbubugos han mga padi, pastor, madre, ngan civil society members, nga ginduon na an impeachment in dire la istorya nga konstitusyonal kondi moral.
Sumala ha mga ine, tumong han proseso nga matagan an ikaduha nga Pangulo an higayon nga batonon an mga alegasyon ngan igmalatumat han kaluyo nga parte an ira ebidensya.
