-- Advertisements --
TACLOBAN CITY – Nakaghipatik na hin maabot 283 nga positive COVID-19 cases an bungto han Palo, Leyte.
Sumala kan Hon. Frances Ann Petilla, alkalde han Palo Leyte, nga ha mao nga ihap 210 dinhi an nagpakarecover na, 70 an active cases samtang ada na ha 3 an naawatan hin kinabuhi.
Kaudgan ha mga ini in asymptomatic ngan nagkatatapnan pinaagi hin local transmission.
Ginpatapod naman han mao nga alkalde nga waray angay nga igkabaraka an mga katawhan tungod nga nagpapabilin nga kontrolado an kaso han COVID ha ira lugar.
Nanawagan naman ini ha publiko nga makipag kooperar ngan diri ig discriminate an mga nagpopositibo ha mao nga virus lugod in buligan nga mas magin makusog ngan dayon nga makarecover.
