-- Advertisements --
TACLOBAN CITY – Ginpahayag han Eastern Visayas Medical Center (EVMC) nga nagpapabilin nga habubo an ihap han dengue patients nga naka-admit ha ira ospital.
Ini in ha kaluyo han ginreport han Department of Health (DOH) nga hitaas an ihap han dengue cases ha pagkayana ha bug-os nga rehiyon kumpara han naglabay nga tuig.
Sumala kan Atty. Rodolfo Peñalosa, information officer han EVMC, ha pagkayana in tulo la an admitted nga dengue patients ha ira ospital.
Duha ha mga ini in kabataan samtang usa naman an ada ha igo nga pangidaron.
Samtang, ginpahayag gihapon ni Atty. Peñalosa, nga mayda pa pipira nga COVID-19 patients haira nga nakaadmit ha ira ospital ha kaluyo han padayon nga pag ubos han kaso hini ha bug-os nga rehiyon.
