NATIONAL–Gintugutan na han International Criminal Court an 500 nga aplikante nga mga biktima han mga crimes against humanity ni anay Pangulong Rodrigo Duterte.
Ha ginpagaws nga 5 ka pahina nga desisyon han Pre-Trial Chamber 1, nahuman na nira an mga findings han Victims Participation and Reparation Section (VPRS) han assessment han 227 ka applications para ha 500 nga indibidwal.
Waray nakit-an nga ano man nga problema ha ira assessment han VPRS, sanglit ginotorisa nira an 500 nga Group A applicants nga magpartisipar kumo biktima ha pagdumog.
Igrerepresenta gihapon hira han Common Legal Representative for Victims nga syahan nga nagrepresenta ha mga syahan nga mga biktima.
Syahan naman nga ginhangyo han Chamber han ika 28 han Enero nga andam hira kumarawat hin mga dugang nga mga biktima.
Naka atubang an anay president ha kaso nga crimes against humanity mahitungod ha murder ngan attempted murder ha ICC nga mayada kalabutan ha kampanya hine ha iligal nga droga han panahon nga alcalde pa ine ha Davao City hasta nga nagin pangulo ine han nasud Pilipinas.
