NATIONAL–Ginbatikos han mga human rights advocates an ginaalegar nga mga delaying tactics han kampo ni anay Pangulogn Rodrigo Duterte agud nga igpaundang an trial hine ha International Criminal Court.
Ha usa nga pahayag, ginpahayag han Duterte Panagutin Network nga dire bag-o ha ira an mga pulitika nga gingagamit an problema ha kakusgan agud nga tumakas ha trial ngan pagkakapriso.
Dugang pa han grupo nga nagdesisyon nga an ICC nga “fit” an anay Pangulo nga umatubang ha pre-trial proceedings.
An pagkwestyon han kampo ni Duterte ha nasabi nga desisyon in bag-o nga taktika agud nga igpaiha pa an justice process.
Ginbuhat han grupo an pahayag kasunod han pagserbe han lead counsel ni Duterte nga hi Nicholas Kaufman hin duha nga bag-o nga apela ha international tribunal.
Kalakip ha apela ha angin desisyon han ICC Pre-trial Chamber I nga nagdedeklara nga fit an anay president nga magpartisipar ha pre-trial proceedings, sugad gihapon naghain an depensa hin apela kasumpay ha desisyon han pre-trial judges nga nagmamandato ha nagpapadayon nga pagkakapriso han former president.
