NATIONAL – Klaro para kan House Quad Committee overall chairman ngan Surigao del Norte Representative Robert Ace Barbers nga amo padayon nga nagtatago hi Atty. Harry Roque in agud pugngan nga masabtan ngan mapamatud-an an daw pagkakadabi hini ha iligal nga Philipine Offshore Gaming Operators.
Sumala kan Barbers, waray political persecution kan Roque sanglit waray basaran an ginhahangyo hini nga asylum ha The Netherlands.
Dugang pa hini nga an contempt ngan arrest order han House of Representatives kan Roque in mahitungod ha pagbaribad hini nga igsumiter ha quad comm an mga dokumento nga posible nga magsusumpay ha iya ha iligal na operasyon han POGO.
Ginmalatumat naman ni Barbers, nga an contempt ngan arrest order han Kamara kan Roque in mawawara na gihapon hin bisa kun magsara an 19th Congress ha June 30, 2025.
