NATIONAL NEWS– Ginbasura han House Committee on Justice an duha nga impeachment complaints kontra kan Pangulong Ferdinand Marcos Jr. mahuman na aprubaran han committee report nga nagpapahayag hin insufficient in substance an mga reklamo.
Ha ihap han mga botos, nga 39-4-0, pormal nga ginbaribaran han komite an mga reklamo nga iginhaon nira Atty. Andre de Jesus ngan han Makabayan bloc.
Sumala kan Committee Chair Rep. Gerville Luistro, kinahanglan nga klarado an recital of facts agud nga maikonsidera ine nga sadang an substance han usa nga impeachment complaint.
Dugang pa hine, waray makagsumiter hin madig-on nga ebidenysa an mga nagreklamo agud nga suportahan an ira akusasyon.
An syahan nga reklamo in nakapukos ha daw “betrayal of public trust” kasumpay ha mga polisiya ha West Philippine Sea, samtang an ika-duha in an kapabayaan han gobyerno ha ekonomiya ngan iba pa nga isyu.
Sugadman, parehos nga iginkonsidera han komite nga kulang ha substansya an mga ine.
Ha kaluyo han desisyon , gindig-unan han Makabayan bloc nga padayon nira na ginduduso an responsibilidad han Pangulo ha magkalain-lain nga sektor, kalakip na an foreign policy ngan socio-economic issues.
An pagbasura han impeachment complaints in nagbubutang kan Pangulong Marcos Jr. ha mas madig-on nag posisyon ha Kamara, nga kontrolado han iya mga kaalyado.
