HEALTH NEWS – An impeksiyon ha talinga in usa nga sakit nga pwedi makaapekto ha kadam an nga tawo.
Bagaman nga dire ine grabe nga sakit in pwedi gihapon ine nga pagtikangan hin mas grabe nga sakit kun dire dayon matatambal.
Damo nga impeksiyon ha talinga an nagsasarang ha mga tawo ngan natagan la ine hin tambal han maibento an otoscope usa nga aparato nga gingagamit han mga doctor para mapanginano an talinga.
Damo nga klasi an impeksiyon ha talinga sugad han otitis externa, otitis media, otitis interna, infectious myringitis, acute mastoiditis, vestibular neuronitis, ngan herpes zoster of the ear.
An hinungdan hine in pwedi viral, bacterial o fungal.
An impeksiyon ha talinga in subay ha klasi hine pero an medisina hine in haros papreho la naman.
An paggamit hin mga antibiotic o eardrop nga mayda steriod an pira ha mga kaurugan nga gingagamit ha pagtambal ha problema ha talinga.Dire naman makuri an paglikay ha mao nga mga sakit ngan impeksiyon matungod nga kinahangla la nga maging malimpyo ha lawas.
