-- Advertisements --
HEALTH NEWS- Kabombo, kasagaran in naawod an pira nga mga indibidwal kun nahihibaruan nira nga mayda hira sakit nga Tuberculosis (TB) ngan nawawarayan na ine hin self-confidence.
May pira nga mga pamaagi agud nga matambal ngan malikayan nga makatapon han mao nga sakit ha iba nga tawo ngan an mga ine in an masunod:
- Likayan nga mantapon ha iba nga tawo, sumunod ha sagdon han doktor ngan uminom hin tambal ha sulod han 6-9 ka bulan.
- Magpabelin ha sulod han panimalay ha sulod han syahan nga 3 kasemana nga pagpinatambal. Likayan la anay nga sumulod ha trabaho, matungod nga an iyo plema ngan laway in pwede nga makatapon ha iba.
- Abrehan an bintana ha iyo kwarto, likayan nga makihalubilo ha sulod-balay ha sakob han 3 kasemana.
- Takpan an baba hin tissue kun ma-ubo o ma-hatching, ngan dayon ine iglabog ha basurahan.
- Kun karuyag nga gumawas ha iyo panimalay kinahanglan nga mag-sulot hin face mask.
- Importante nga humanon an 6-9 ka bulan nga pagpatambal ha TB, dire dapat ig-undang hangtod nga waray katugutan tikang ha doktor.
- Sumunod ha healthy lifestyle ngan likayan an bisyo. Kumaon hin masustansya para mapabelin nga mahimsog an panlawas.
An sintomas han TB in an pag-ubo, pagarasa, pagkakapoy, hiranat ha kulop, pagbabalhasa kun gab-i, ngan waray gana nga kumaon.
Pananglitan nga mayda maabat nga mga sintomas nga sugad in dayon nga kumonsulta ha doktor.
