Waray daw nakarawat nga request hi Defense Secretary Gilberto Teodoro kan Vice President Sara Duterte agud balyuan o tanggalon an mga sundalo nga nakaalutaga ha iya.
Kasumpay ini ha nagin pahayag ni Dutete dida han Sabado nga dire niya naaabat nga talwas hiya ngan waray hiya tapod ha korte ngan ha kapulisan.
Mahuman an pagdungog ha Senado kasumpay ha visiting forces agreement han Pilipinas ngan France, ginmalatumat ni Teodoro nga katungod han bise presidente nga igpa-withdraw an mga kasundaluhan ha iya security detail kun waray na hiya tapod.
Sugadman, ginpahayag han Defense Secretary nga mission-trained an kasundaluhan ngan waray hira personalan.
Han mapakianhan naman kun pwede mamili an bise hin security personnel, ginmalatumat hi Teodoro nga dire namimili hi VP Dutete mahitungod nga dako an tapod niya ha mga sundalo ha nasud.
