Gin aprubahan na han Senate Committee on Foreign Relations an Status of Visiting Forces Agreement (SOVFA) ha butnga han Pilipinas ngan han France.
Ha ilarom han SOVFA, igintalaan an legal framework para ha pagdumara han duha nga nasud hin joint military exercises, disaster response, ngan iba pa nga kooperasyon ngan aktibidad.
Gintalaan gihapon an pagbaton kun maghimo hin krimen an mga sundalo nga kaapi ha kasabutan.
Ha committee hearing, iginduon ni Defense Secretary Gilberto Teodoro Jr., nga importante an France nga usa ha makarit nga taga-suplay hin armas ngan iba pa nga military equipment ha bug-os nga kalibutan.
Ginkikilala gihapon han France an arbitral ruling ha West Philippine Sea pabor ha Pilipinas, kontra ha pag-angkon han China ngan ginkikilala gihapon han France an freedon of navigation labi na ha Indo-Pacific.
Sumala kan Senate Majority Leader Juan Miguel, nga Chairman han komite, nga iisponsoran na niya an kasabutan ha masunod nga semana para ha ratipikasyon han Senado.
