Ginatras na han depensa an 16 nga testigo hini han impeachment trial ni Vice President Sara Duterte.
15 ha mga testigo in mga tinaglawas han pito nga bangko nga maatubang unta tikang Nobyembre 11 kutob 13 samtang an usa in barangay kapitan han Davao City.
Aada ha 24 an orihinal nga ginhahangyo han depensa nga i-subpoena han impeachment court ngan upat ha mga ini in umatubang nga ginkakadabihan ni Atty. Suzette Balucang-Punay an corporate counsel han GenCorp Industries Incorporated ngan Metro City Chow Foods Corporation.
Upat na la an nabibilin nga testigo han depensa para ha Article 2 o an dire ma-eksplikar nga karikuhan ngan dire insakto nga pagdedeklara han Statement of Assets, Liabilities, and Net Worth ni VP Duterte.
Ginmalatumat naman ni Atty. Micheal Poa nga nadire hira nga sayangon an oras han impeachment court ngan agud mapadagmit na gihapon an trial, pero ha kaluyo ini in plano han depensa nga magdugang hin testigo ha masunod nga semana.
