Senator Raffy Tulfo questions the P240 OFW border fee proposed by the Bureau of Immigration. Learn why this new fee is under scrutiny and its impact on Filipino migrant workers.
-- Advertisements --

Iginpapapanginano ni Senator Raffy Tulfo an plano han Bureau of Immigration nga manukot hin P240 border fee ha kada Pilipino nga magawas han nasud kaupod an mga OFWs.

Sumala kan Tulfo nga tagmangulo han Senate Committee on Migrant Workers, kinahanglan ini imbestigahan labi na nga dugang nga gastos ini partikular ha haros duha kamilyon nga mga OFWs.

Ha Senate Resolution 772, nakasurat nga pwede magin dire abuyon an panukot ha border ha mga special operation nga iginhahatag han balaod ha mga OFWs ngan ira pamilya.

Manunumduman nga syahan nga ginmalatumat han Bureau of Immigration nga gin aadman nira an nasabi nga border fee agud makatirok hin pondo para ha installation han integrated border security platform ha 11 airports ha magkadiru-dilain nga parte han nasud nga daw manginginahanglan hin P10.7 bilyon.

Ha pauna nga konsultasyon, ginmalatumat ni Tulfo nga ginpapa-exempt ni DMW Secretary Hans Leo Cacdac an mga OFWs ha sugad nga border fee sugad han exemption ha travel tax ngan terminal fees.