TACLOBAN CITY – Gin-esplikar hiton Guidance and Counseling Services Office, an kasumpay han bullying ha sulod han eskwelahan, sugadman ha gawas hiton eskwelahan ngan magin ha internet.
Sumala kan Dr. Cherie Guy Giray, Head Guidance and Counseling Services Office and concurrent Head Admission and Testing Office Registered Guidance Counselor, magkalain-lain an klase hiton bullying, kun diin an kadam-an hine in dako an epekto ha usa nga indibidwal.
Ine in kanit ha natabo nga insidente hiton panmusil, ha San Jose National High School.
Nagsuhestyon naman an nasabi nga guidance counselor, nga kun nakaka-abat ngan nakaka-eksperyensa hin bullying, in dayon ine ig report ha mga otoridad, agud nga dayon ine ma-aksyunan ngan dire na umabot pa ha pamatay.
Manunumduman, gin-aaligar nga gin-bully an gintutuohan nga suspek ha panhitabo, kun diin ine an ginkikita nga ground han panmusil ha iya mga classmate ha sulod han eskwelahan.
