TACLOBAN CITY – Ginsukna han pira nga grupo hin mga parag-uma an daw nahitatabo nga pagkampo han mga kasundaluhan ha pira nga barangay ha San Jose de Buan, Samar nga nagresulta ha kahadlok ngan pagbakwit han mga residente.
Sumala kan Jun Berino, Secretary General han SAGUPA o Samahan han mga Gudti nga Parag-uma, ira ginkakasubo nga mahitungod han ginbubuhat nga pagkampo han mga kasundaluhan ha Brgy. Hagbay ngan Brgy. San Nicolas ha mao nga bungto han Samar in nakokompromiso lugod an seguridad han mga residente.
Iginkakabaraka han mga ini nga madawit hira ha nahitatabo nga asdangay han mga kasundaluhan ngan grupo han New People’s Army (NPA) kun diin ha pinakaurhi nga engkwentro usa nga sundalo an nahipatik nga samaran.
Abuyon naman ini ha ginbubuhat nga operasyon han mga kasundaluhan ala kontra ha mga rebelde pero kinahanglan nga diri maapektaran an seguridad ngan pakabuhi han mga molopyo partikular na an mga parag-uma.
