TACLOBAN CITY – Napapausa an grupo hiton mga negosyante nga nagtitikahitaas kada semana an presyo han asukar ha kada an mga ine na-angkat han mao nga produkto ha Ormoc City.
Sumala kan Hon. Colai Go Information Officer TFCCCI/ Chairman Brgy. 41 Tacloban City, nga maabot na ha 5,000 an kada sako hiton asukar nga ira napapalit ha mga producer, kun diin mayda ine paghitaas hin P300-400 kada semana ha produkto hiton asukar.
Dugang pa han mao nga opisyal, makuri nga magpahamubo hira hin presyo matungod nga hataas an ira pag-angkat ha mga suppliers han asukar, ha kaluyo nga waray naman ginpapagawas nga report nga kulang iton suplay hine.
Ginpaangbit naman han mao nga opisyal, nga ginlilimitaran na gihapon hira ha ira pagpapalit hiton asukar kun diin napapa-usa hira ha mga report nga nagawas nga waray shortage han suplay hiton asukar ha bug-os nga nasod.
Naglalaom naman an mao nga opisyal ha masunod nga bulan kun diin magigin harvest time na, nga kun mahihimo in mapaharamub-an an presyo hine matungod nga na-aapektaran hira kalakip gihapon an mga konsumedor.
