NATIONAL – Igin pahayag han usa nga grupo han mga negosyante ha nasod nga suportado nira an permanente nga pag-ban ha Philippine offshore gaming operators (POGO) mahitungod han mga ilegal nga aktibidad hini.
Suportado han nasabi nga grupo an rekomendasyon ni Finance Secretary Ralph Recto ngan an pahayag ni National Economic and Development Authority (NEDA) Secretary Arsenio Balisacan.
Sumala kan NEDA Secretary Balisacan, an POGO in may minimal nga kontribusyon la nga 0.2 percent ha ekonomiya han nasud.
Labot la hini, an ira ahensya in nababaraka mahitungod nga damo na an mga insidente nga gin kakadabihan han mga nagpapadalagan han mga ilegal nga POGO.
Samtang, kalakip ha nasabi nga grupo in an Makati Business Club, Alyansa Agrikultura, Financial Executives Institute of the Philippines, Foundation for Economic Freedom, Institute of Corporate Directors, Justice Reform Initiative, Management Association of the Philippines.
