TACLOBAN CITY – Arestado an usa nga empleyado han gobyerno ha Mayorga, Leyte mahuman an gin dumara nga buy-bust operation han mga otoridad ha Brgy Zone 1, Mayorga, Leyte.
Ginkilala an suspek kan Jason Pilapil, usa nga government employee.
Sumala kan Rogellete Urgel, Information Officer hiton Philippine Drug Enforcement Agency (PDEA) Regional Office 8, usa nga High-Valued Target an suspek.
Nakuha naman ha suspek han pira ka-sachet han gin aalegar nga shabu nga natimbang hin dire maubos ha 5 kagramo nga mayda naman estimated street value nga P34,000.
Papasakahan an suspek hin kaangayan nga kaso ha pagtalapas han RA 9165 o Comprehensive Dangerous Drugs Act of 2022 ngan temporaryo ine nga nakapaslak ha Mayorga Municipal Police Station Lock-up Facility.
