NATIONAL – Gin sigurado han Palasyo ng Malakanyang nga mayda nakalatag nga contigency plan an gobyerno in kaso dumuro an tensyon ha Middle East partikular an kasamok yana ha butnga han Iran ngan Israel nga dako an posibilidad nga humitaas an presyo han lana ngan magin han abuno ha nasud.
Sumala kan Palace Press Officer USec. Claire Castro, mahugot nga ginmomonitor han Department of Energy (DOE) an sitwasyon ha Middle East.
Ginmalatumat ni Castro nga kun dumuro an sitwasyon ha Middle East nga humitaas an presyo han lana in sisiguraduhon han gobyerno nga maghahatag ine hin ayuda para ha mga pampubliko nga sarakyan ngan magin ha mga paru-pangisda nga maapektaran ha paghitaas han presyo han lana.
Dugang pa hine, gin eksplikar ni DOE OIC Sharon Garin nga obligado an mga kumpanya han lana nga magkamay-ada hin 30-day inventory han lana.
Kun maabot naman daw ha $80 per barrel an presyo han lana, mayda nakaandam nga fuel subsidy o ayuda para ha mga ada ha sektor han transportasyon ngan magin ha mga parag-uma.
Andam daw gihapon kaistoryahon han DOE an mga kumpayan han lana agud maspread out an adjustment ha presyo han mga produkto nga petrolyo.
