TACLOBAN CITY–Mahimyang an natabo nga gios-protesta kontra korapsyon kakulop nga adlaw, ika 30 han Nobyembre, kun diin magkalain-lain nga grupo an nagka-urusa para igpanawagan ha gobyerno an ira mga araba.
Sumala kan PMaj Shenna Layog Station Commander han Abucay Police Station 2, pira ha mga grupo nga naki-usa ha katitirok asya iton Womens Oriang group, Kabataan Partylist, Partido Lakas ng Masa, Kadasig han Leyte, Masipag, Anak Bayan Tacloban ngan damo pa nga iba.
Ginbabana-bana naman nga maabot ha 300 nga indibidwal an makiki-usa ha nasabi nga aktibidad, pero haros 60 la an umatinder kakulop nga adlaw.
Dugang pa hine, mayda naman permiso tikang hiton syudad an gindumara nga gios protesta.
Ha han-ay naman hiton kapulisan, ada ha 150-200 nga mga additional forces an gin-augment agud nga masigurado an kahimyang han nasabi nga gios protetsa.
Nagpasalamat naman hi Layog nga waray natabo nga untoward incident ngan nagsunod naman an mga raliyesta ha ira ginpatuman nga aludayday.
