TACLOBAN CITY – Usa nga fetus nga nakasulod ha garapon an nakit-an ha usa nga gin-uukab nga parte han gin ayad nga balay ha Purok Hollywood, Brgy. 74 Nula-Tula, Tacloban City.
Sumala kan Tacloban Police Station 2 Station Commander, PMaj. Shenna Layog, an nasabi nga garapon in nakit-an han usa nga construction worker nga nag-uukab ha gin aayad nga balay ha nasabi nga lugar.
Dayun naman nga igin tawag ha mga otoridad han nasabi nga butang kun diin dayun gihapon ine nga nai-turnover ha Tacloban City Health Office-Sanitation Department para han pormal nga paglubong.
Gin aalegar naman nga gin preserba an nasabi nga fetus ha surudlan hine mahitungod nga dire ine nakada ha state of decomposition han matad-an han construction worker.
Ha imbestigasyon, an dati nga tag-iya han balay in usa nga doktor ngan ginbaligya ine ha presente nga tag-iya, kun diin nagdudumara an mga ine total renovation han balay.
