NATIONAL – Umatender hi anay presidential spokesperson Harry Roque ha imbestigasyon han Senado kasumpay ha ginraid nga Philippine Offshore Gaming Operator hubs ha Luzon.
Ine in bisan paman kun ginpasabot na niya ha mga magbabalaod dida han nakalabay nga semana pinaagi han pagpapadara hin surat ha Senate Committee on Women, Children, Family Relations, and Gender Equality nga dire maatendeer ha pagdungog mahitungod ha nauna hine nga scheduled court hearing.
Manunumduman nga gin imbitahan hi Atty. Roque para umatender ha Senate inquiry mahuman nga igpahayag ni PAGCOR chairman Alejandro Tengco ha nakalabay nga pagdungog nga bumulig an anay Palace official ha Lucky South 99, an hin raid nga POGO hubs ha Porac, Pampanga para utro nga makag-apply hin lisensya agud makag-operate ngan maayad an ira mga atraso, bisan man kun dire na public official hadto hi Roque han mahitungod an nasabi nga pagharampang.
Syahan naman nga gin klaro ni Roque nga waray hiya magin legal counsel han bisan anu nga ilegal nga POGO sugadman han Lucky South 99.
Pero nagdig-on hi Tengco nga gin ngaranan hi Roque kumo legal head ha organization chart nga ginpasa han Lucky South 99 ha PAGCOR para ha utro nga pag-apply han ira lisensya.
