NATIONAL NEWS- Ginpapa-aresto na han korte hi anay Philippine Charity Sweepstakes Office (PCSO) general manager Royina Garma matungod ha kaso nga pagpatay kan PCSO board secretary Wesley Barayuga han nakalabay nga tuig 2020.
Ha iginpagawas nga warrant of arrest han Mandaluyong Regional Trial Court (RTC) branch 279 ,kalakip ha mga ginpapa-aresto hira anay National Police Commission (NAPOLCOM) commissioner Edilberto Leonardo, mga police officials nga hira Jeremy Causapin, Santie Mendoza, ngan Nelson Mariano matungod ha kaso nga murder ngan frustrated murder.
Sumala kan PNP spokesperson Brig. Gen. Randulf Tuaño, ira igseserbi an nasabi nga warrant of arrest bisan anu nag posisyon an nakabutang.
Mababaruana nga ha lima nga akusado hi Mendoza la an ada ha floating status ha ilarom han kustodiya han Personnel Holding and Accounting Unit (PHAU) samtang hi Mariano in natanggal ha serbisyo ngan hib Causapin naman in nagbul-iw ha puwesto.
Manunumduman, ginpusil hi Barayuga samtang ine in nakadto ha iya sarakyan han waray kakilal-e nga suspek han Hulyo 2020 ha Mandaluyong City kun diin nakatalwas naman an iya driver.
