NATIONAL NEWS- Ginmalatumat ni Senador Panfilo Lacson nga nagsumiter na hin kompyuter, mga dokumento, ngan iba pa nga ebidensya hi anay Bulacan assistant district engineer Brice Hernandez agud nga pamatud-an an pagkakadabi han pira nga manbaralaod ha anomalya ha mga flood control project.
Manunumduman una na nga ginngaranan ni Hernandez hira Senador Jinggoy Estrada, Senador Joel Villanueva, ngan anay Caloocan Rep. Mitch Cajayon-Uy kumo nakatagamtam han kickback butang naman nga gindiwara han 3 nga opisyal.
Gindig-unan ni Lacson nga kinahanglan mag esplikar hi resigned DPWH Secretary Manuel Bonoan kun pati-unano naideliver an sobra P600 million tikang ha Syms Construction kan Sally Santos ha buhatan han District Engineering Office ng Bulacan.
Ginsukna gihapon hine an presenysa ni DPWH Undersecretary Roberto Bernardo ha usa nga litrato kaupod hi Hernandez ngan iba pa nga mga engineer han Bulacan 1st District.
