TACLOBAN CITY- Ginpahibaro han Eastern Visayas State University EVSU -Tacloban, nga dire hira makakapag-patuman hin 100% nga face to face classes yana nga school year 2022-2023.
Sumala kan Lydia Morante, Head Media Affairs, Eastern Visayas State University Tacloban, nga madugay na nira napaghingadayan an paghimo han guidelines, ngan dumipende hira ha magigin alert level status han syudad.
Dugang pa han mao nga opisyal, yana nga maabot nga bulan han Agusto ha pag-tikang hiton klase, matutunga an ira mga estudyante kun diin magkakamayda gihapon hira hin virtual classes, kaparehos han ginpatuman han nakalabay nga school year 2021-2022.
Ine in agud nga maprotehiran an panlawas han mga estudyante ngan magturortdo kontra ha COVID-19 ngan iba pa nga mga sakit.
Para naman han mga magkakamayda hin face to face classes yana nga maabot nga pag-abre hiton klase, mahugot naman nira nga ginpapatuman an pagsunod han mga health protocols sugad hiton pagsusul-ot hin face mask ngan physical distancing.
Hapagkayana, in ginpipinalisa pa nira an magigin schedule han mga estudyante nga masulod ha onsite nga klase ngan sugadman online clasess.
