TACLOBAN CITY – Ginpahayag han Eastern Samar Electric Cooperative (ESAMELCO) nga padayon an ira ginbubuhat nga pitad agud nga masolusyonan an problema ha power interruption ha mga nasasakupan hini ha mao nga probinsya.
Sumala kan Atty. Edwin Amancio, General Manager han ESAMELCO, nagiging rason han tigdaay nga pagkaparong parong han kuryente partikular na ha Lawaan ngan Balangiga in mahitungod han duro kasensitibo nga recloser ha butnga han linya han kuryente ngan sugadman problema ha insulators.
Padayon naman nira ini nga ginhihingayad kun diin gintatag-usa usa han ESAMELCO an pagpanginano han mga insulators han kada poste.
Ginlalauman gihapon nga yana nga adlaw ini matatapos.
Samtang, ginpahayag gihapon han mao nga opisyal nga ha pagkayana in natikangan na an pagtukod han bag-o nga substation ha Balangiga nga makakasolbar ha problema han pagkaparong parong han kuryente ha mao nga lugar.
