TACLOBAN CITY – Gin aabat na an epekto han paghitaas han presyo han lana ha kakarsadahan han syudad han Tacloban.
Ini in mahuman nga mapansin nga dire na gud sugad kadamo an mga sarakyan nga nabiyahe ha kakarsadahan.
Sumala kan TOMECO Enforcement and Operation Division Chief, Jobz Lagutan, napansin nira naibanan hin pira kaporsyento an ihap han mga nabiyahe nga four-wheels nga sarakyan, samtang nadugngan naman an ihap han mga motorsiklo.
Dugang pa hini, posible nga mahitungod nga mas makakabarato o makakatiru-tipid kun motorsiklo an gagamiton ha pagbiyahe kumpara ha four-wheels.
Kabaliktaran daw an nahitabo ha ira ginlalauman nga resulta han 4-day work week mahitungod nga ginlalauman adto nira nga mas madamo an ihap han katawhan ngan sarakyan kada-Biyernes labi na nga waray na sulod an haros ngatanan nga pampubliko nga opisina.
