NATIONAL – Gintagan-duon ni Chief Presidential Legal Counsel Juan Ponce Enrile nga an katungod ha malaya nga pagpapahayag in subay ha tinuod nga impormasyon, nga mayda panuyo nga maghatag hin hibaro ha publiko, ngan dire manipulahon an mga ine.
Ine in kasumpay han mga pagkabaraka kasumpay ha paghurak han fake news online ha panahon han piniliay nga gin hisgutan ha Kamara.
Ginpaangbit ni Enrile ha usa nga post ha social media nga an malaya nga pagpapahayag ha social media in kinahanglan nakabase ha mga kamatuuran agud masigurado nga sakto an nakukuha nga impormasyon han publiko.
Igin eksplikar pa hine nga an Bill of Rights in naghahatag hin katungod ha mga katawhan agud makaghimo hin sakto nga desisyon kasumpay ha mga isyu nga nakakaapekto ha ira, ngan dire para uwaton o manipulahon an publiko para ha pankalugaringon nga interes han mga ine.
Dugang pa hine, kinahanglan magin mahirot an mga nagamit han social media nga pagpapasarang han impormasyon ha online agud malikayan an pagsarang han sayop nga impormasyon nga posible magdurot hin kasamok ha nasud.
