NATIONAL – Humitaas an employment rate han Pilipinas pagsakob han administrasyon Marcos ngan nalampusan na gihapon hine an lebel dida han panahon san-o mag-pandemya, sumala ha Labor Force Survey (LFS) han Department of Labor and Employment (DOLE).
Sumala ha datos, humitaas hin 96.3% an employment rate han nasud tikang ha 95.5% han naglabay nga tuig. Nadugangan hin haros 2.2 million nga mga Pilipino na nagkaada hin trabaho.
Samtang, humitaas gihapon an underemployment rate han nasud tikang han 10.7% han naglabay nga tuig, yana in aada na ha 11.9%, karuyag sidngon nga damo an mga trabaho para ha mga Pilipino, pero nagseserbi la gihapon nga ayat an pagkakaada hin trabaho nga may kalidad ngan natugma nga kapasidad han usa nga Pilipino.
Kasumpay hine, humabubo naman an unemployment rate han nasud tikang ha 4.5% in nagin 3.7% nala ine. Ine in matungod na gihapon ha pagkakaada hin reporma ha socio-economic nga aspeto ngan mga inisyatiba han gobyerno.
Pag-siguro han ahensya nga igpapadayon la gihapon nira an paghimo hin mga dekalidad nga trabaho ngan pakikipag-sumpayan ha mga pribado nga sektor para ha mga trabaho nga posible ighatag ha mga Pilipino.
