TACLOBAN CITY– Ginpapahibaro hiton Civil Service Commission an mga empleyado hiton gobyerno nga dire bumulig hin bisan anu nga partisan political activities ngan maging political neutrality kutob ha Mayo 2025 nga piniliay.
Sumala kan Atty. Marilyn E. Taldo – Civil Service Commission Regional 8 Director IV, an mga empleyado han gobyerno nga mapapamatud-an nga tumalapas ngan naghimo hin mga partisan political activities in may kaangayan nga penalidad.
Dugang pa hine, maabot naman hin 1 ka bulan ngan 1 ka adlaw ngada hiton 6 kabulan nga suspensyon ha trabaho an sirot hiton usa nga indibidwal para hiton syahan nga opensiba.
Matatangal naman ine ha serbisyo, para hiton ika-duha nga opensiba, ngan posible nga mahukasan hin lisensya, alinsunod na gihapon ha 2017 Rules on the Civil Service Cases 2017.
Ginmalatumat pa hine nga dinhi ha rehiyon, mayda 104,143 nga Career and Non career ha Eastern Visayas ine in subay ha ira staffing summary.
Gintagan duon ni Atty. nga ha kaluyo nga waray close monitoring an Civil Service Commission, gin aaghat naman nira an mga publiko nga kun mayda makit-an nga government employees nga bulig hiton political activities, dayon ine nga ig-report ha ira buhatan nga gintratrabahuan o din ngan pwede in direkta ha Civil Service Commission kalakip an mga ebidensya.
