TACLOBAN CITY – Gintikangan na an panhatag hin Emergency Shelter Assistance han Department of Social Welfare and Development region-8 ha mga miyembro han Pantawid PamilyangPilipino Program o kun 4Ps.
Nagtikang an pandistributar hini nga ESA ngada han Nobyembre 25 kutob Nobyembre 28 ha Leyte Provincial Office.
Sumala kan Michelle Calsado, Officer in Charge han 4Ps, plano o kun target nira nga matagan an may 473 nga pamilya ha siyahan nga adlaw han distribution.
An pira nga barangay nga natagan han siyahan nga adlaw amo an Barangay 103A, 103, 37A, 12, 86, 87 ,83A, 79, ngan 81.
Dugang pa ni Calsado, ini an first batch pala han distribution ngan an 2nd batch in plaplanuhan pala kun san-o naman an schedule.
Nakakarawat hin 10,000 an mga partially damage nga miyembro han 4P’s samtang 30 mil naman para ha mga totally damaged.
