TACLOBAN CITY – Ginplaplano yana han Leyte Provincial Jail an pagduduso han edukasyon ha kolehiyo para ha mga Persons Deprived of Liberty (PDL).
Sumala kan Leyte Provincial Jail Warden Ret. PLTCOL. Joselito Villas, nga an nasabi nga plano in kaupod han ira pagkikipagkoordinar ha Commission on Higher Education (CHED) nga igpadayon an Alternative Learning System ha Senior High School kun diin, hapagkayana in mayda nira tulo nga ALS classes an ginbubuhat ha sakob.
Ginkakalipay naman han opisyal mahitungod nga mayda na nira mga PDLs nga nagpakagradwar ha mao nga programa.
Labot la hiton ALS program, nagbubuhat gihapon hira hin iba pa nga mga programa sugad nala hiton misa kada Dominggo kun diin, nakipagkoordinar hira ha parokya han Pawing Palo, Leyte.
Dugang naman ni Villas nga haros tanan nga mga PDLs in napartisipar ha ira programa nga kun diin, in nakikita nira iton mga pagbabag-o an kina-iya han mga inin.
Samtang, hingyap naman han opisyal nga ha pamamaagi han mga nasabi nga programa in magbag-o ngan lumakat ha sakto nga direskyon ha kinabuhi an mga PDLs ha panahon nga makagawas na an mga ini.
