-- Advertisements --
TACLOBAN CITY- Guinbuyagyag han pamunuan han Energy Development Corporation (EDC) nga maabot pa ha 10 kaadlaw ugsa nga maibalik an suplay han kuryente ha bug-os nga probinsya han Leyte.
Ini an guinkumpirma ni Ervin Magallanes- Media Relations Officer han EDC pinaagi ha guinbuhat nga interview han Bombo News Team.
Sumala kan Magallanes, nga padayon pa an ira guinbubuhat nga assessment ha mga linyada han kuryente ugsa pa man nga buhataon an energy restoration nga maabutan pa hin halos 10 kaadlaw tikang ha pagkayana inkaso nga waray na problema nga masipatan.
Guinklaro pa ni Magallanes, nga ha aga la nakakagbuhat hin operation an ira nga katawhan para na guihapon ha katalwasan han mga ini.
