SPORTS NEWS– Maatubang yana ha usa nga ayat an Pinay tennis star Alex Eala ha ika-duha nga round han WTA 125 Philippine Womens’ Open.
Makaka-atbang hine hi Himeno Sakatsume han Japan para ha round of 16 han torneo nga pagdudumaraon ha Rizal Memorial Tennis Center niyan nga alas 6 hiton gabi.
Ine an ika-duha nga higayon nga magkaka-atbang an duha kun diin an syahan nga pagkatumparak han mga ine in ginpirdi han Japanese tennis player hi Eala hadton 2023 ha Osaka, Japan.
Dire naman nagpapakumpiyansa an 24-anyos nga Japanese tennis player nga ada yana ha ranked 140 matungod nga dako an pinagba-o ni Eala.
Aminado ine nga kakaiba an kakarit han Pinay tennis star kumpara han nakalabay nga tuig.
Manunumduman nga ginpirdi ni Eala hi Alena Charaeva han Russia ha syahan nga round han torneo.
