TACLOBAN CITY – Pormal na nga gin abrihan ha publiko, kakulop nga adlaw, Hunyo 17, an Dukwag Agri Trade Fair ha Baybay Beach kadungan han pagsalin-urog han ika-17 nga Charter Anniversary han syudad.
Sumala kan Hon. Jose Ivan Dayan Agda, City Mayor hiton Borongan City, ika-4 na ine katuig han nasabi nga programa kun diin panuyo hine makabulig ha pag-produce hin pagkaon.
An nasabi nga waray nga programa in zero interest ngan waray collateral o kabalyo nga makukuha an syudad kundi para la ngatanan ha mga agri-entreprenuers nga kabulig ha nasabi nga trade fair.
Mas damo naman daw an partisipante han dida han nakalabay nga tuig ha nasabi nga programa kumpara han yana nga tuig, ine in mahitungod nga an mga kaapi dida han nakalabay nga tuig in mayda na kalugaringon nga merkado o nagsu-suplay na han ira produkto ha mas damo nga tindahan ngan an mga kaapi yana in mga bag-o nga membro han Dukwag Agrikultura.
Mapapalit naman ha Dukwag Agri Trade Fair an magkaduru-dilain nga utanon, duma, ngan presko nga bangus, sugadman iba pa nga mga produkto nga tikang ha mga benepisyaryo han Dukwag Agrikultura program.
Mag-iiha naman an nasabi nga trade fair kutob hiton Biyernes, Hunyo 21, hiton presente nga tuig.
