TACLOBAN CITY- Patay an duha nga newly identified nga mga drug suspek mahuman an mga ini nga umato ha gindumara nga Buy-bust operation han PDEA Regional Office 8 ha Matalom Leyte.
Ginkilala naman an mga suspek nga hira Rodrigo Reyes ngan Leo Fuentes, ada legal nga pangidaron nga pareho nag uukoy han Brgy.San Salvador, Matalom Leyte.
Sumala kan Rogellete Urgel tagapagyakan han PDEA Regional Office 8, nga aarestuhon unta nira an duha nga mga suspek han bumaribad an mga ini nga magpadakop ngan tigda la an mga ini nga nagpauran hin bala ha mga operatiba.
![](https://img.bomboradyo.com/tacloban/2019/06/MATALOM.png)
Bumulos naman an tropa han PDEA kaupod an kasundaluhan han 802nd Brigade Philippine Army resulta han pagkamatay han duha nga mga drug suspect.
Sumala pa kan Urgel nga posible nga nakatunog an mga ini nga makadto an PDEA agent ha ira lugar amo nga nakag andam an mga ini.
Nakuha naman ha mga suspek an 2 ka sachet hin gintotoohan nga shabu nga mayda market value nga P6800.
Labot la hini nakuha liwat an isa nga M16 rifle nga mayda sulod nga 11 ka bug-os nga ammunition ngan M14 riffle nga mayda sulod nga 4 nga ammunition