TACLOBAN CITY – Arestado an duha nga mga drug personalities ha gindumara nga buybust operation han mga otoridad ha Brgy. 94 Tigbao, Tacloban City.
Sumala kan Pol. Capt. Marjorie Manuta, tagapagyakan han Tacloban City Police Office (TCPO), ginkilala an mga suspetsado nga hira Jake Lucenario ngan Albert Garcia, ada ha igo nga mga pangidaron ngan parehos watchlisted drug personalities ha syudad.
Napalit ngan nakumpiskar ha mga suspek an unom kasachet hin gintutuuhan nga shabu.
Samtang, ha gindumara nga follow up operation ngan ha pag-imbestigar han mga kapulisan in boluntaryo nga nagsumat an usa ha mga suspek nga hi Lucenario nga mayda pa ini nakatago nga ilegal nga droga ha ira panimalay ha Mont View Subdivision Tacloban.
Ha mao nga operasyon, narekober han mga otoridad an upat kasachet hin shabu nga nagkakantidad hin P100,500 ngan usa gihapon nga tricycle.
Ha pagkayana in nakapaslak na an mao nga mga suspetsado ngan naatubang na ha kaangayan nga mga kaso.
