TACLOBAN – Magdudumara hin imbestigasyon an Department of Trade and Industry (DTI) kasumpay han pipira nga mga reports nga may- ada mga hardwares ha Leyte ngan Samar an nagbabaligya hin mga substandard nga mga construction materials partikular na an steel bars.
Ini mahuman nga magdumara hin test buying an Philippine Iron and Steel Institute (Pisi), ngan nagpag-araman nga pipira nga mga lokal hardwares ha Leyte ngan Samar an nagbabaligya hin substandard nga mga steel bars.
Sumala kan Portia Teresa Calleja, senior trade and industry specialist ha DTI Eastern Visayas, nakarawat na han ira buhaton an direktiba tikang ha DTI Central Office nga magdumara hin imbestigasyon.
Dugang pa niya nga pipira nga mga tinaglawas tikang ha DTI’s Fair Trade and Enforcement Bureau an nauna na nga kumanhi ha Sinirangan Bisayas agud nga magdumara hin imbestigasyon kasumpay ha report han PISI.
