NATIONAL – Iginparayaw han Department of Social Welfare and Development an ira Walang Gutom program nga ginyayakan nakabulig agud umubos an hunger rate.
Ine in subay na gihapon na gindumara nga survey han Social Weather Stations.
Umubos gihapon ha 16.1% an involuntary hunger rate han mga pamilya ha nakalabay nga tulo kabulan, tikang ha 20% dida han Abril, subay ha survey nga gindumara dida han Hunyo 25-29.
Ginkumpirma han DSWD nga an pag-ubos in nagpapamatuod ha bisa han ‘whole of nation approach’ kaupod an Walang Gutom Program (WGP) ni Presidente Marcos Jr., kun diin sumala kan Asec. Irene Dumlao in nakabulig ha paghataghin access ha pagkaon ha mga pinakakablas nga pamilya.
Ha kaluyo han mga ayat, determinado an gobyerno nga pahaluagon pa an programa agud makab-ot an panuyo nga zero hunger ugsa mahuman an termino han Presidente han 2028.
Target han WGP nga madugangan hin 300,000 nga benepisyaryo ha 2025, tikang ha presente nga 300,000 nga households ha nasud.
