TACLOBAN CITY – Umabot na ha ₱43,882,821.12 an kantidad han bulig nga ginpanhatag han DSWD Field Office VIII ha mga pamilya nga naapektaran han Bagyong Tino.
Lakip ha mga gin-distribwer an 64,627 family food boxes, 3,524 ready-to-eat food packs, ngan 3,067 non-food items para ha mga apektado nga pamilya.
Naghatag gihapon an ahensya hin cash relief assistance nga nagkakantidad hin ₱37,000 ha ilarom han Assistance to Individuals in Crisis Situations (AICS) program ha tulo nga pamilya.
Padayon naman nga gindudumara han DSWD an pangolekta hin datos kasumpay han distroso ngan epekto nga durot ni Bagyong Tino ha Eastern Visayas.
Kadungan hine, nakabantay gihapon an ahensya para ha posible nga resources augmentation kumo baton ha mga residente nga apektado naman han STY Uwan ha bug-os nga rehiyon. (via Bombo Shiela Encio)
