TACLOBAN CITY – Nagdudumara hin cleansing an Department of Social Welfare and Development (DSWD) Regional Office 8 ha mga social pension beneficiaries ha rehiyon.
Sumala kan Yvonne Serrano Abonales, OIC Regional Director han DSWD 8 ira nahibaruan nga damo nga mga senior citizens an diri eligible ngan kwalipikado nga makakarawat han mao nga ayuda.
Ini gihapon an ira nakikita nga rason han pagkamay-ada hin deficit han programa nga maabot ha P481 million.
Nahisabutan gihapon han ahensya nga mayda pipira nga mga social pensioneers nga nga naghatag hin sayop nga impormasyon samtang hira in ginvavalidate.
Kasumpay hini, pagkahuman han pagbubuhaton nga house to house validation, bisan kun aada na ha payroll an benepisaryo, pwede la gihapon nga matanggal an usa nga senior kun waray maisumiter nga requirements nga ginmamando han DSWD.
Mahibabaruan nga an pwede la magin benepisaryo han social pension program amo an mga indigent nga senior citizens, waray permanente nga income, waray ginkakarawat nga suporta tikang ha bisan hino nga miyembro han pamilya ngan waray ginkakarawat nga pension ha SSS, GSIS o anuman nga klase hin pensyon tikang ha gobyerno ngan pribado nga ahensya.
Ha pagkayana in maabot na ha 170,000 nga mga benepisaryo an natagan na hin social pension ngan 80,000 pa nga mga benepisaryo an nagpapabilin nga waray para kareleasi han mao nga ayuda.
