TACLOBAN CITY – Gin-abisuhan han Department of Social Welfare Developement DSWD Regional office 8, an publiko nga adton mga naka karawat la han appointment text message an ira ig-aakomodar yana nga adlaw para han cash assistance ha ilarom han Assistance to Individuals in Crisis Situation o AICS.
Sumula kan Atty. Jonalyndie Chua, Regional Public Infromation Officer han DSWD-8, kun waray maka-karawat hin text message in dire nala kumadto ha venue, matungod nga dire la gihapon han mga ine ma-aakomodar o ma e-entertain han mao nga buhatan.
Ginmalatumat han mao nga opisyal nga an ira gin pan text nga mga estudyante in an mga pumila han Augusto 20, kun diin waray an mga ine ka akomodar matungod ha kadamo han tawo kun diin maabot an mga ine ha 4,000 nga mga aplikante dinhe ha Leyte province.
Hapagkayana, maabot naman ha 1,500 an naka-schedule dinhe ha probinsya han Leyte, 174- Biliran, 236- Catbalogan City Samar, 600 Eastern Samar ngan 700 Northern Samar, an mga ine in mapakadto ha venue nga ginhatag han buhatan pinaagi han appointment text message o ha ira tagsa-tagsa nga DSWD field offices.
Kinahanglan han mga ine nga dad-on ngan igpakita an appointment text message, ngan mga kaangayan nga dokumento nga pagpamatuod nga hira in studyante ngan eligible nga maka-karawat han mao nga ayuda.
Mababaruan nga nakag-released na an mao nga buhatan hin maabot P7,011,000 para ha 2,748 nga mga estudyante han nakalabay nga Sabado Augusto 20,2022, ngan an mga ine in ginbubug-os han 849- Elementary, 560- High Schools to Junior High, 314 -Senior High, ngan 1,025 -College ngan Vocational nga mga estudyante ha rehiyon an nakatagamtam na han mao nga hinabang.
