TACLOBAN CITY – Nabungkag han mga otoridad an usa nga drug den ha gindumara nga drug buy-bust operation ha Brgy. Tominamos, Sta. Rita, Samar dida han alas 2:35 han kulop han mga nakalabay nga adlaw.
Naaresto han mga otoridad an mga suspek nga hira alyas “Tom” (maintainer), alyas “Bart” (employee), ngan kan alyas “Paul” (visitor).
Nakumpiskar ha mga suspek an 5 ka-pakete hiton ginaalegar nga shabu nga mayda kabug-aton nga 16.4 ka-gramo ngan balor nga nagkakantidad hiton PHP106,600 ngan mga magkadurudilain nga drug pharaphernalia.
Samtang, dakop naman han mga otoridad hi alyas “Bornok” ha gindumara gihapon nga buy-bust operation dida han mga nakalabay nga adlaw ha Brgy. Naga-Naga, Palo, Leyte dida han 6:25 han gab-i.
Nakumpiskar ha mao nga suspek an 18 ka-pakete naman han ginaaligar nga shabu nga may kabug-aton nga 18.32 grams ngan mayda market value nga PHP124,576.
Ha gindumara liwat nga operasyon han mga otoridad ha Brgy. 7 Maydolong, Eastern Samar banda alas 7:20 han aga han nakalabay nga adlaw, in narekupo nira an duha ka-pakete hiton ginaaligar nga shabu nga mayda kabug-aton naman nga 0.05 grams nga mayda balor nga P830.
Naadakop naman han mga otoridad an suspek nga ginkikilala kan alyas “Dindo.”
An nasabi nga mga suspek in nakapaslak na ha mga presuhan kun diin, maatubang an mga ini hin kaso nga may pagtalapas ha RA 9165 o kun an Comprehensive Dangerous Drugs Act of 2002 ngan maghuhulat ha kaangayan nga disposasyon.
