-- Advertisements --
TACLOBAN CITY – Nabungkag han mga otoridad ha gindumara nga drug buy bust operation an usa nga drug den ha Brgy. Salog, Leyte Leyte.
Sumala kan Rogellette Urgel, tagapagyakan han Philippine Drug Enforcement Agency (PDEA) Regional Office 8, an pagkakadismantle han mao nga drug den in nagresulta ha pagkaaresto han pito nga mga drug personalities kaupod na an drug den maintainer hini nga hi Alfredo Lauron Jr.
Nakumpiskar ha mao nga operasyon an tulo kasachet hin gintutuuhan nga shabu, live ammunitions, kalibre 45 nga pistola, improvised shutgun, lima nga cellphone ngan iba pa nga mga drug paraphernalia.
Ha pagkayana in naatubang na ha kaangayan nga mga kaso an mga nagkadadakop nga mga drug suspects.
