ODD NEWS- Nagsarang han dire pala maiha an video han usa nga aksidente ha Fujian,China nga ginkakadabihan han usa nga guti nga kotse ngan duha nga dagko nga mga truck.
Makikita ha mao nga video an pagsunod han usa nga guti nga kotse ha usa nga nakapreno nga cement mixer.
Ginsigurado han driver han kotse nga maghahatg hin dako nga agwat tikang ha cement mixer samtang nakapreno.
Pero nawarayan la gamit an paghirot han driver han kotse matungod nga han mayda umulpot nga dako nga truck in ginbangga hine an kotse.
Ha kaluyo han pagbangga hine ha kotse, waray la gihapon kakuha nga umundang han mao nga truck ngan nagpadayon an kotse ha likuran han cement mixer nga nakada ha atobangan hine.
Baga baga hin palaman an kotse nga nakada ha butnga han truck ngan cement mixer. Masyado nga nayupi an kotse matungod ha kaipit hine ha duha nga dagko nga sarakyan.
Ha kaluyo hine himala la gihapon nga nakatalwas an driver han kotse ngan han iya sakay nga dayon nga gindara ha ospital.
