NATIONAL NEWS– Ginsurender na han Department of Public Works and Highways (DPWH) ha Office of the Ombudsman an tanan nga computer ngan files nga ginamit han namatay nga hi anay DPWH Undersecretary Maria Catalina Cabral, kumo pagsunod ha Subpoena Duces Tecum han Ombudsman o an subpoena para magsumiter hin mga dokumento o ebidensya.
Subay ha DPWH, kalakip ha mga ginsumiter nga dokumento an records ngan request for consideration kasumpay ha programming han National Expenditure Program (NEP) ha nakalabay nga 10 katuig.
An mga ine in ginsurender han pira nga DPWH undersecretaries ngan ginselyuhan na hiton Ombudsman para ha digital forensic examination.
Sumala kan Assistant Ombudsman Mico Clavano magpapabilin nga selyado an mga higamit samtang nagpapadayon an imbestigasyon.
Dugang pa hine interesado nga makuha hiton Ombudsman an cellphone ni Cabral, bisan ha kaluyo nga sakop ine han imbestigasyon hiton Philippine National Police (PNP).
