TACLOBAN CITY – Magigin marisyo an downtown area ha bisperas han kapatrunan ni Senyor Sto. Niño de Tacloban ha syudad mahitungod han mga magkadurudilain nga mga aktibidad, programa ngan selebrasyon an nakatalaan nga pagbuhaton yana nga adlaw.
Una na dida an Sangyaw Festival of Lights 2024 nga kun diin, mayda 14 an kaapi ngan magpapakitang gilas han ira naman maglamrag nga mga floats ngan an dance ritual presentations nga kun diin, igpapakita naman nira an usa nga scene ha history han pagbalik han Santo Patrono han syudad nga hi Senyor Sto. Niño.
Nakatalaan nga lumibot an parada ha downtown area han Tacloban niyan nga ala-6 han gabi nga pagsusundan naman han dance presentations ha Balyuan Grounds.
Samtang, ha Sangyawan Musical Festival Park naman ha Leyte Park, Tacloban City, ala-7 han gabi in magigin star-studded mahitungod han mga artista nga bisita ha Mayor’s Night nga kun diin, matambong hira Gigi de Lana, (BuDaKhel) Bugoy Drilon, Daryl Ong, ngan Michael Pangilinan, ngan sugad man hira Katrina Velarde, Dabarkads Allan K., Ate Gay, Alexa, ngan Regina.
Mayda gihapon special performances nga gindara hi Senator Imee Marcos nga hira Hashtag members Zeus Collins, Nikko Natividad, ngan Kid Yambao.
Ha City Hall Grounds naman in pagbubuhaton an Wonderland Rave Party nga magtitikang ha alas-9 han gabi.
