TACLOBAN CITY – Ginduduso han Department of Science and Technology (DOST) an paggamit hin science and technology kumo basaranan ha pagpa-plano ngan pagpapatuman han mga flood control projects ha nasud.
Sumala kan Sec. Renato U. Solidum Jr. presente nga ginhihimo han DOST-Advanced Science and Technology Institute (ASTI) an usa nga geospatial analytics and technology solutions platform nga makakabulig ha pag-identipika ngan panginano han mga proyekto nga pan-imprastruktura kontra ha baha.
Labot la ha hazard maps nga ginhimo han magkaduro-dilain nga mga unibersidad, may-ada na gihapon digital elevation models ngan LiDAR maps nga na-develop pinaagi han pondo tikang ha DOST.
Ha pamamaagi naman han Geographic Information System (GIS), in pwede makita kun an usa nga project in sakto o angkop ha usa nga partikular nga salog o watershed, ngan kun ini in naka-integrate ha kabug-usan nga master plan para ha pamamahala han tubig.
Ginsu-suhestiyon gihapon han mao nga opisyal an paggamit han mga satellite, drone, ngan citizen reporting para ha mas transparent nga monitoring han mga flood control projects.
Dugang pa hine, mas magiging klarado an aktwal nga progreso han konstruksyon ngan mamo-monitor gihapon kun an usa nga infrastructure in makakaupay o dire.
Duon pa han opisyal nga an kombinasyon han science and technology an magiging susi ha mas maupay, episyente, ngan tangkod nga pagpapatuman han mga infrastructure projects ha nasud. (via Bombo Shiela Encio)
