-- Advertisements --
NATIONAL NEWS– Nagpahinumdom an Department of Labor and Employment (DOLE) ha mga employer kasumpay han sakto nga pa-sweldo para ha mga empleyado nga masulod yana nga adlaw, June 12, Araw ng Kalayaan.
Subay ha DOLE, kinahanglan nga sundon han employer an double pay o 200% nga pa-sweldo para ha mga empleyado nga masulod.
Kun nag-overtime naman an empleyado in kadugangan nga 30% kada oras naman an maidudugang ha sweldo.
Pananglitan nga natuman nga rest day han empleyado pero sumulod la gihapon ine in kadugangan nga 30% gihapon an makakarawat hine labot pa han double pay.
Para naman ha mga empleyado nga dire masulod ha regular holiday, makakalarawat la gihapon an mga ine hin 100% han ira sweldo basta sumulod an mga ine ugsa an holiday.
